Një vajzë 16-vjeçare ka plagosur me thikë një shoqe klase 15-vjeçare në qytetin verior të Gjermanisë, Cuxhaven.
Vajza e plagosur është jashtë rrezikut për jetën, sipas spitalit ku ndodhet e shtruar.
Sulmi ka ndodhur gjatë një debati në klasë, përballë mësueses dhe nxënësve të tjerë, disa prej të cilëve kanë ndërhyrë për të bllokuar vajzën. Nuk dihen shkaqet e debatit.
Është aksidenti i dytë i këtij lloji që regjistrohet në Gjermani brenda pak muajsh.
Në maj, një djalë 17-vjeçar sulmoi dhe plagosi rëndë me thikë një djalë tjetër 16-vjeçar në banjën e një shkolle profesionale në Wildeshausen pranë Bremenit.
Gjykata e Oldenburgut urdhëroi mbylljen e të riut në një spital psikiatrik.
