Sot po zhvillohen votimet në zgjedhjet në Turqi ku presidenti Rexhep Tajip Erdogan kësaj rradhe po përballet me sfidën më të madhe politike të qeverisjes së tij prej dy dekadash.
Më shumë se 64 milionë votues me të drejtë vote do të hedhin votën e tyre sot për të zgjedhur një president dhe parlament për një mandat pesë-vjeçar.
Qendrat e votimit u hapën në orën 8 të mëngjesit dhe do të mbyllen në orën 17:00. Organizatave mediatike u ndalohet të raportojnë rezultate të pjesshme deri në orën 21:00.
Nëse asnjë kandidat nuk siguron më shumë se gjysmën e votave në raundin e parë të votimit, do të mbahet balotazhi i 28 majit.
Çështjet kryesore të zgjedhjeve janë ekonomia, operacionet e ndihmës ndaj tërmeteve, ikja e trurit, refugjatët dhe vlerat dhe identiteti.
