Rusia ka goditur për herë të parë Ukrainën me raketa të cilat i ka marrë nga Koreja e Veriut, tha të premten një zyrtar i lartë i Kievit, duke vërtetuar një pohim të mëparshëm të Shtëpisë së Bardhë të SHBA.
Deklarata në platformën e mediave sociale X erdhi pasi guvernatori i rajonit verilindor të Kharkiv tha se rajoni i tij ishte goditur nga raketa të lëshuara nga Rusia që nuk ishin të prodhimit rus.
“Nuk ka më asnjë maskim … si pjesë e luftës së saj të drejtpërdrejtë gjenocidale, Federata Ruse goditi për herë të parë territorin e Ukrainës me raketa të marra nga Koreja e Veriut,” ka thënë zyrtari i lartë i Kievit, Mykhailo Podolyak.
Ai nuk dha prova që raketat të ishin Korea e Veriut. Në deklaratën e tij të enjten, Uashingtoni citoi inteligjencën e deklasifikuar.
“(Rusia) po sulmon ukrainasit me raketa të marra nga një shtet ku qytetarët torturohen në kampet e përqendrimit për shkak të një radio të paregjistruar, apo pse jan parë duke folur me një turist, apo pse janë kapur duke parë shfaqje televizive,” tha Podolyak.
Kremlini ende nuk është përgjigjur një kërkese për koment mbi pohimin e SHBA se Rusia kishte lëshuar raketa balistike me rreze të shkurtër veprimi të furnizuar nga Koreja e Veriut në Ukrainë./Reuters
