Emiratet e Bashkuara Arabe i kanë hequr vizat për qytetarët e Kosovës, të cilët tani e tutje mund të udhëtojnë në këtë shtet vetëm me pasaportë.
Lajmin e ka bërë të ditur presidentja Vjosa Osmani gjatë ditës së sotme.
Sipas Osmanit, marrëveshja për heqjen e vizave mes Kosovës dhe Emirateve të Bashkuara ishte arritur gjatë takimit të muajit të kaluar me presidentin Mohammed bin Zayed Al Nahyan dhe tashmë është nënshkruar.
“Falënderoj presidentin e Emirateve të Bashkuara Arabe për pranimin e propozimit tim për heqjen e vizave për qytetarët e Kosovës. Marrëveshja e arritur gjatë takimit tonë muajin e kaluar tashmë është nënshkruar, duke hapur rrugën për më shumë mundësi bashkëpunimi midis vendeve dhe qytetarëve tanë”, ka shkruar Osmani në “X”, njohur më parë si Twitter.
