Policia e Kosovës është duke kontrolluar një objekt në Mitrovicë të Veriut në të cilin janë gjetur disa produkte medicinale, të cilat nuk dihet se kujt i takojnë.
Zëvendësdrejtori i Policisë për rajonin e Mitrovicës së Veriut, Veton Elshani tha se aktualisht janë ende duke kontrolluar vendin.
“Jemi duke kontrolluar një vend ku ka produkte medicinale” – tha Elshani për KALLXO.com.
Ai tutje tha se nuk dihet ende se kujt i takojnë këto produkte.nks
“Jemi t`u këqyr a janë të spitalit a çka janë ato, kemi me i kontrollu tash” – tregoi zëvendësdrejtori Elshani.
Siç mësohet, vendi ku janë gjetur këto produkte është tek një objekt në afërsi të stacionit të autobusëve në Mitrovicë të Veriut.
