Qyteti i Pejës nuk ka fjetur deri në orët e hershme të mëngjesit pas festës së madhe që erdhi me triumfin e tyre në “Play-Off”-in e Superligës së Kosovës në basketboll.
Peja është kampione e Kosovës. Në një super finale shumë interesante dhe dramatike, verdhezinjtë kanë mundur Trepçën në ndeshjen e pestë për të çuar rezultatin përfundimtar 3-2.
Fitorja në ndeshjen e zhvilluar në palestrën Minatori erdhi në vazhdime dhe me rezultat 91:93 (17:21, 17:15, 24:22, 19:19, 14:16), duke qenë njëra nga finalet më interesante të pasluftës në basketbollin e Kosovës
Me të fituar ndeshjen, lojtarët e Pejës vrapuan drejt zhveshtores pas hedhjes së gjësendeve në palestër nga tifozët vendas dhe vetëm pas zbrazjes së sallës, ata dolën jashtë për ta marrë në duar trofeun e dhënë nga kryetari i FBK-së, Arben Fetahu.
Pas festës në palestrën Minatori, lojtarët dhe stafi i Pejës nuk humbën kohë dhe u nisën menjëherë drejt qytetit të tyre, ku ishin duke u pritur nga qindra tifozë verdhezinjë.
Qyteti ishte mbushur me njerëz që prisnin kampionët për të festuar së bashku triumfin e edicionit 2022/23 apo titullin e parë pas një dekade.
Festa ishte e madhe e madhe me këngë dhe mjete piroteknike nga qytetarët që kishin ‘pushtuar’ rrugët e ndryshme të qytetit.
Ky ishte titulli i shtatë në historinë e klubit nga “Karagaqi”.
Telegrafi më poshtë u sjell disa video dhe fotografi nga festa e tifozëve në qytetin e Pejës.
https://www.facebook.com/plugins/video.php?height=314&href=https%3A%2F%2Fwww.facebook.com%2Fdini.begolli%2Fvideos%2F960039411695432%2F&show_text=true&width=560&t=0
