23 
Me anë të një postimi në rrjetet sociale, kryetari i komunës së Klinës, prof. Zenun Elezaj ka bërë të ditur se bashkë me nënkryetaren Marqe Selmanaj ka pritur në takim komandantin e Komandës Rajonale Perëndim të KFOR-it, kolonelin Francesco Ferrara.
“Komandantin Ferrara e falënderova për vizitën dhe bashkëpunimin e mirë që kemi me KFOR-in në projekte të ndryshme.
Bashkëbiseduam për gjendjen dhe mirëqenien e qytetarëve në përgjithësi si dhe sfidat e synimet e përbashkëta dhe për fushat e bashkëpunimin në të ardhmen.
Po ashtu, e informova atë me zhvillimet e përgjithshme në Klinë, projektet dhe investimet që po realizohen si dhe ato të planifikuara”, shkruan prof. Elezaj në Facebook.
