Para pak ditësh, Ivana Stradner, eksperte për Ballkanin dhe këshilltare në Fondacionin për Mbrojtjen e Demokracisë (FDD) nga Uashingtoni paralajmëroi për një anomali që po ndodh në Rusi, pas sulmit që ndodhi në sallën e koncerteve në Moskë.
Ajo alarmoi se nëpër disa kanale të Telegramit po qarkullojnë disa tekste që implikojnë Kosovën, Shqipërinë e Bosnje Hercegovinën në propagandën ruse për ndërlidhje me sulmin, përgjegjësinë për të cilin e mori ISIS.
Përveç Telegramit, me të madhe nëpër Rusi kanë nisur të qarkullojnë tekste që Moska lidh sulmin me siç i quajnë ata “myslimanët ekstremistë” nga Bosnja, Shqipëria dhe Kosova.
Përveç me sulmit, në propagandë ata përfshijnë edhe siç pretendojnë një kërcënim terrorist që këta myslimanë paraqesin për Serbinë.
“Pas sulmit terrorist në Rusi, mediat 🇷🇺 po shpërndajnë artikuj për “myslimanët ekstremistë” nga Bosnja, Shqipëria dhe Kosova dhe një kërcënim terrorist që ata paraqesin për Serbinë”, ka shkruar Strander në X, e cila ka shpërndarë një faqe ruse dhe një tekst autorial të një profesoreshe ruse me ndikim në Moskë.
