Bernardo Silva e kishte humbur penalltinë në mesjavë ndaj Real Madridit por sot në gjysëmfinalen e FA Cup ishte protagonistë i fitores 1:0 ndaj Chelsea.
Reprezentuesi portugez shënoi në shtëpi golin e vetëm në një ndeshje mjaftë të barabartë, vetëm gjashtë minuta para se të përfundoj ndeshje për të mbajtur gjallë shpresat e Cityt për të ruajtur dopieten Angleze.
Chelsea humbi një mori rastesh, u shqua Nicolas Jackson, në atë që rezultoi një ditë e keqe për sulmuesin senegal përpara portës. Përveç rasteve të humbura, Londinezët ishin gjithashtu të frustruar që nuk iu akordua një penallti nga referi pas një gjuajtje të lirë.
City, pa të dëmtuarin Erling Haaland, nuk ishte në ditën më të mirë të tij – ndoshta ende duke ndjerë efektet e takimit të tyre me Realin.
Mundësia e parë e City erdhi pasi Kevin De Bruyne kombinoi me Phil Foden me një pasim të përsosur, por gjuajtja shkoi shumë larg portes duke u përpjekur të kalonte portierin Djordje Petrovic.
City e mori veten përsëri kur Malo Gusto në një rast u iku nga e djathta, por ai nuk e vërejti Jackson në qendër. Palmer gjithashtu e humbi edhe një shans tjetër duke dribluar me disa lëvizje të rregullta të këmbëve, por nuk i mbeti fuqi në gjuajtjen e tij.
Në fillim të pjesës së dytë Jackson dështoi të shënonte përsëri, ai gjuajti me lehtësi ndaj Ortegës. Atij topi iu kthye pasi Palmer goditi në krosim, por goditja e tij me kokë ishte e dobët dhe ishte në drejtim të Ortegës.
Grealish pësoi një goditje të rëndë në gju në një duel me Felipe Caicedo dhe u largua nga ndeshja pak çaste më vonë. Reprezentuesi anglez shprehu zhgënjimin e tij tek zyrtarët ndërsa u largua nga fusha, duke sugjeruar se Caicedo duhej të ishte trajtuar më ashpër. Zëvendësuesi i Grealish, Jeremy Doku, bëri një hyrje të gjallë dhe testoi menjëherë Petroviçin. Me kalimin e kohës, ndeshja u bë një provë e vendosmërisë së Cityt dhe Doku i gjallë bëri një ndryshim të dukshëm.
Chelsea u mundua dhe provoi të shënonte një gol të barazimit deri në minuten e fundit por City ishte mjaft mirë e pozicionuar në mesfushë dhe mbrojtje dhe nuk e lejojë të ndodh.
