Zëdhënësi i Kremlinit, Dmitry Peskov, ka folur rreth qëndrimit të presidentit francez, Emmanuel Macron për mundësinë e dërgimit të trupave ushtarake në Ukrainë. Ngjashëm ai ka bërë edhe për deklarimin e sekretarit të jashtëm britanik, David Cameron që tha se Kievi ka të drejtë të përdorë armët e tyre për ta sulmuar Rusinë në territorin e saj.
Sipas Peskov të dy këto qëndrime përbëjnë një vazhdim të një trendi të rrezikshëm. Si pohon se deklarata e Macron është tepër e rrezikshme ngaqë flet për mundësinë e përfshirjes direkte të Francës në luftë. Sidoqoftë ai ka deklaruar se Rusia përcjell deklarimet e Perëndimit por që do të vijojë me “operacionin e veçantë ushtarak”, deri në arritje të qëllimeve.
Rusia e sheh qëndrimin e Cameronit si eskalim tensionesh, thotë ai, që paraqet rrezik për sigurinë evropiane.