Filantropistja Melinda French Gates, ish-gruaja e Bill Gates, njoftoi se do të dhurojë 1 miliard dollarë gjatë dy viteve të ardhshme për të mbështetur gratë dhe familjet, duke përfshirë të drejtat riprodhuese të kërcënuara në Shtetet e Bashkuara nga një valë ndalimesh shtetërore.
Këtë e ka bërë të ditur vetë ajo në një editorial në New York Times, duke shpjeguar se do t’i përkushtohet këtij misioni të ri më 7 qershor, sapo të largohet nga Fondacioni që themeloi me ish-bashkëshortin e saj 25 vjet më parë.
Njoftimi vjen pasi shumë nga e majta politike në Shtetet e Bashkuara shohin një kthim prapa të të drejtave të grave, duke përfshirë çështjet riprodhuese, ndërsa republikanët e vijës shtyjnë ndalimin e abortit në të gjithë vendin.
“Në gati 20 vjet si një avokate për gratë dhe vajzat, kam mësuar se gjithmonë do të ketë njerëz që thonë se nuk është koha e duhur për të folur për barazinë gjinore”, shkroi ajo në një artikull të ftuar në The New York Times.
“Është zhgënjyese dhe dritëshkurtër. Dekada kërkimore mbi ekonominë, mirëqenien dhe qeverisjen e bëjnë të qartë se investimi te gratë dhe vajzat u sjell përfitim të gjithëve”.
