Reperit te famshëm, fitues i çmimit Grammy C. Gambino i zunë pritë dhe e ekzekutuan në Suedi.
Reperi suedez C. Gambino, emri i vërtetë i të cilit ishte Karar Ramadan, u vra mbrëmjen e së martës në Goteborg.
Alarmi u dha në orën 22:30 dhe menjëherë në vendngjarje ka ndërhyrë policia dhe ambulanca, por pak pasi ka mbërritur në spital artisti ka ndërruar jetë.
C. Gambino, 26 vjeç, konsiderohej si një nga reperët më me ndikim në Suedi. Pavarësisht se e mbajti të fshehur identitetin e tij duke mbajtur gjithmonë një maskë të zezë, ai ishte shumë i popullarizuar, me rreth një milion transmetime mujore në Spotify. Policia ka nisur hetimet për vrasjen, por për momentin nuk ka të arrestuar.
26-vjeçari parkoi makinën e tij në një garazh në Goteborg të martën në mbrëmje kur sulmuesit qëlluan një breshëri plumbash, sipas mediave suedeze.
