Ish shefi i AKI’së, Burim Ramadani ka thënë se dy të dyshuarit për spiunazh kanë tentuar ta përfshijnë në komunikim edhe William Walker.
Ramadani në emisionin ‘Pressing’ në T7 tha se qëllimi i këtyre dy të dyshuarëve për spiunazh ka qenë rrëzimi i stories për të vërtetën që ka ndodhur në Masakrën e Reçakut.
“Operacioni I shërbimit secret të Serbisë, ka qenë tepër I detajum, avancum. Faktin që një punonjës officer I Serbisë I cili ka jetu në një kohë në Ferizaj, e tash jeton në Serbi e udhëheq këtë pjesë të operacioneve të Serbisë kundër Kosovës ka bashkëpunuar me këta dy persona të cilët nuk e kanë njohur njëri tjetrin që nuk janë duke punuar me të njëjtin zyrtar të Serbisë dhe me qëllimin e njëjtë që është rrëzimi i stories së vërtet të Masakrës së Recakut. Madje dyshohet që në këtë operacion është menduar të bëhen komunikime edhe me William Walker, I cili është ai që e ka dhënë alarmin botëror për Masakrën e Reçakut”, tha ai.
