Rita Ora ka diskutuar për përvojat e saj si refugjate dhe rëndësinë e historive pozitive të refugjatëve, në një intervistë ekskluzive në “Big Issue” të kësaj jave, në të cilën ajo dhe DJ/producenti Norman “Fatboy Slim” Cook, diskutojnë bashkëpunimin e tyre të ri, Praising You.
Rita Ora ka treguar se bashkë me familjen e saj u larguan nga Kosova në vitin 1991 mes tensioneve etnike dhe dhunës pasi ish-Jugosllavia u shpërbë dhe mijëra njerëz të zhvendosur kërkuan strehim në Mbretërinë e Bashkuar dhe vende të tjera.
“Në këtë pikë të karrierës sime – pasi që tashmë u bënë 10 e më shumë vite që jam në skenë – ndjeva se ishte e rëndësishme t’i kujtoja publikut, si dhe vetes, udhëtimin,” tha Rita duke folur për dëshirën e saj për të hapur “perceptimet e njerëzve për një vajzë si unë që vjen nga një vend i botës së tretë si Kosova, dhe po, të qenit refugjate dhe të vij në Britani të Madhe dhe ëndrrat e mia të realizohen”.
Rita foli për rëndësinë që ka vlerësimi dhe mundësitë që i janë dhënë asaj: “Nëse nuk do të kisha mundësi të transferohesha në Londër dhe prindërit e mi nuk do ta bënin atë ndryshim të guximshëm, sot nuk do të isha në gjendje të ulem këtu dhe të flisja me [Norman Cook], një nga heronjtë e mi.
Dyshja diskutuan vlerën e ndarjes së historive të refugjatëve në klimën aktuale politike, në të cilën refugjatët, veçanërisht ata që vijnë me varka të vogla, janë një futboll politik. Është një klimë e ilustruar nga miratimi i fundit i projektligjit të emigracionit të paligjshëm në Mbretërinë e Bashkuar, i cili është kritikuar për kufizimin dramatik të sistemit të azilit.
