Princesha e Uellsit surprizoi fansat e Eurovizionit mbrëmjen e djeshme teksa mori pjesë në një performancë të shkurtër instrumentale në piano në sekuencën hapëse të finales së kompeticionit.
Videoja e performancës së Kate është shpërndarë në llogaritë zyrtare në rrjetet sociale të Princit dhe Princeshës së Uellsit. Holly Willoughby u shqua në mesin e qindra njerëzve që reaguan ndaj paraqitjes surprizë të Kate Middleton në Eurovision.
Duke reaguar ndaj videos në Instagram, Holly Willoughby shkroi: “Epo, kjo është e pabesueshme”. Kate tregoi aftësitë e saj muzikore teksa u shfaq në një performancë në grup të fitueses ukrainase të vitit të kaluar, Stefania. Ajo iu bashkua një sërë kontribuesish britanikë, duke përfshirë Lordin Andrew Lloyd Webber, Sam Ryder, Ms Banks, Ballet Black, Bolt Strings dhe Joss Stone. Performanca e Princeshës u regjistrua në fillim të këtij muaji në dhomën Crimson të Kështjellës Windsor.
