Një mori personazhesh të famshëm të ftuar në dasma top sekrete në Costa Smeralda
Leonardo DiCaprio është parë në Costa Smeralda, së bashku me një grup të madh VIP-ash të të gjitha llojeve, të gjithë të ftuar në një dasmë super sekrete, emrat e nuses dhe dhëndrit mezi dihen. Së bashku me aktorin fitues të Oskarit edhe Serena Willams, e cila u pa pikërisht teksa zbarkoi në Porto Cervo me avionin e saj privat. Megjithatë, këta nuk janë emrat e vetëm të të ftuarve. I freskët nga tapeti i kuq i Festivalit të Kanës, ku u prezantua filmi “Killers of the Flower Moon” në të cilin luan DiCaprio përkrah De Niro-s, aktori u pa teksa mbërriti në Sardenjë së bashku me mikun e tij besnik Tobey McGuire, protagonist i triologjisë së parë, Spiderman.
Të dy mbërritën në Costa Smeralda për një dasmë sekrete, e cila krenohet me mysafirë absolutisht të rëndësishëm. Së bashku me aktorët, në fakt, edhe ylli i tenisit Serena Williams, DJ koreane Peggy Gou, sipërmarrësi amerikan David Grutman, themeluesi i AirBnb Joe Gebbia dhe njeriu më i pasur në botë sipas Forbes, Bernard Arnault. Me pak fjalë, një listë me të ftuar të nivelit më të lartë, të denjë për një dasmë që u zhvillua në një nga vendet më elegante të Sardenjës, në zonën e Monte Moro, larg syve kureshtarë dhe paparacëve.
