65 
Një person ka vdekur në fshatin Rogovë të Gjakovës. Vdekja raportohet se ka ndodhur të hënën derisa dyshohet se ai është goditur nga rrufeja.
Policia njofton se rasti ka ndodhur rreth orës 21:25.
“Raportohet se në një fushë është gjetur pa shenja jete viktima mashkull kosovar. Vdekjen e viktimës e ka konstatuar ekipi mjekësor në vendin e ngjarjes. Dyshohet se viktima ka vdekur si pasojë e goditjes nga rrufeja”, thuhet në njoftim.
Me vendim të prokurorit trupi i pajetë është dërguar për obduksion.
