“Sekti i agjërimit” në Kenia, 336 të vdekur

Autoritetet e vendit afrikan përditësojnë numrin e të vdekurve të “masakrës së Shakaolas”, duke konfirmuar përfundimin e kërkimit për ndjekësit që janë ende të zhdukur.
Pas zbulimit të dhjetë trupave të tjerë që e çojnë në 336 numrin total të viktimave të të ashtuquajturës “masakra Shakaola” në Kenia, policia ka vendosur të pezullojë kërkimet për kufomat e pasuesve të “sektit të agjërimit” të varrosur në varreza masive.
Në një deklaratë të lëshuar për median kombëtare, hetuesit thanë se faza e tretë e zhvarrimeve të ndjekësve të kultit të krijuar nga predikuesi kontrovers Paul Mackenzie “është pezulluar për të përgatitur ekzaminimin e autopsisë së trupave tashmë të zhvarrosur”.
Sipas Kryqit të Kuq Kenian, personat e zhdukur të lidhur me “Kishën Ndërkombëtare të Lajmit të Mirë” të Mackenzie-t, e cila i ftonte besimtarët të përmbaheshin nga ushqimi “për të qenë në gjendje të shihnin Jezusin në parajsë”, do të ishin 613. Predikuesi, së bashku me 16 persona të tjerë, përfshirë gruan, Rhoda Maweu, janë të arrestuar në Malindi dhe duhet të përgjigjen, ndër të tjera, për akuzat për vrasje dhe vetëvrasje të asistuar.