Zbulohet një mënyrë për të reduktuar akrilamidin, një kimikat i lidhur me kancerin dhe që formohet kur ushqimet me niseshte gatuhen në temperatura të larta
Lajm i mirë për adhuruesit e patateve të skuqura. Një grup shkencëtarësh nga instituti norvegjez i kërkimit Sintef ka gjetur çelësin për ta bërë këtë snack të shijshëm më të shëndetshëm se sot. Ata e bënë këtë duke zbuluar një mënyrë për të reduktuar akrilamidin, një kimikat që formohet kur ushqimet me niseshte, si patatet dhe buka, gatuhen në temperatura të larta. Studime te kafshët tregojnë se akrilamide është e lidhur me kancerin.
Sekreti i zbuluar nga studiuesit norvegjezë qëndron në përdorimin e llojit të duhur të patates, e cila është ajo që ka arritur një nivel të caktuar pjekurie përpara se të korret. Në fakt, patatet më pak të pjekura përmbajnë më shumë sheqer, i cili mund të shndërrohet në akrilamid.
Për të identifikuar patatet e duhura për të skuqur, sipas studiuesve, mjafton të matet niveli i saharozës dhe acidit aspartik, treguesit më të mirë të sasisë së akrilamidit që do të kishin prodhuar nëse do të ishin skuqur. “Ne kemi zbuluar se matja e përqendrimeve të glukozës duke përdorur një matës të sheqerit në gjak që çdokush mund të blejë në një farmaci lokale ofron një mënyrë më të shpejtë dhe më të arritshme për të marrë një tregues nëse përmbajtja e sheqerit në patate është shumë e lartë,” shpjegojnë ata.
