Kryetari i Komunës së Hanit të Elezit, Mehmet Ballazhi, ka njoftuar se gjatë ditës së djeshme, ka mirëpritur në takim komandën e re të Kontigjentit Polak të KFOR-it në Kosovë.
Postimi i plotë i kryetarit Ballazhi:
Ndër miqtë më të mirë të Hanit të Elezit janë nga Kontigjenti Polak i KFOR-it të cilët, pavarësisht se kush e merr drejtimin e komandës, mbështetjen për Hanin e Elezit asnjëherë nuk e kanë zvogëluar, përkundrazi bashkëpunimi mes dy institucioneve tona veçse është rritur.
Sot, prita në takim komandën e re të KFOR-it Polak (Polish LMT KFOR), të cilët i urova për marrjen e mandatit të tyre në krye të Polish LMT KFOR, duke iu ofruar gatishmërinë time të plotë për bashkëpunim, e me ç’rast i njoftova edhe për të arriturat, sfidat dhe kërkesat prioritare që ka Komuna e Hanit të Elezit dhe qytetarët e saj.
