KFOR-i italian vazhdon të kontribuojë në përmiresimin e infrastrukturës shkollore pasi siç e thonë ata herë pas here, investimi në arsim është investim në brezat e ardhshëm të këtij vendi.
Sot përfituese ka qenë komuna e Deçanit, pasi 4 shkolla të kësaj komune kanë pranuar një donacion prej 30 mijë eurosh.
Lajmin e ka bëre të ditur vetë komuna me anë të një postimi në faqen zyrtare në Facebook.
Postimi i plote:
Sot, në Gjimnazin “Vëllezërit Frashëri” në Deçan, drejtori i Arsimit z. Besnik Hulaj pranoj donacion nga Komandanti i Komandës Regjionale Perëndim (RCW) Kol.Gabriele Vacca, për disa pajisje teknologjike, si Smart TV dhe Laptop, për Gjimnazin “Vëllezërit Frashëri”, IAAP “Tafil Kasumaj”, shkollën fillore në Prapaqan dhe Rastavicë.
Projekte të tilla që rritin cilësinë e arsimit dhe zhvillojnë aftësitë e nxënësve në komunën tonë, janë çdoherë të mirëseardhura.
