Një i ri, i cili po bënte një kamera të fshehtë për kanalin e tij në YouTube, është qëlluar me armë zjarri nga një person i cili nuk e duroi dot shakanë.
Në video shihet se si 21-vjeçari Tanner Cook bezdis Alan Colie, duke i luajtur pranë fytyrës një frazë ofenduese me celular. Personi të cilit po i bëhej shakaja i thotë 3 herë të riut që ta lërë të qetë, por ai vazhdon me të tijën.
Në këtë moment, Alan Colie nxjerr një pistoletë nga xhepi dhe e qëllon YouTuber-in në gjoks.
Colie u arrestua, por, duke qenë se armën e kishte me leje, akuza për plagosje të rëndë u rrëzua, pasi ai tha se kishte qëlluar për vetëmbrojtje. Ai u shpall fajtor vetëm për të shtëna me armë zjarri brenda një godine ku kishte njerëz. Për këtë, ai rrezikon 10 vite burg.
Nga ana tjetër, 21-vjeçari Cook kaloi disa ditë në reanimacion, por tashmë po rekuperohet.
