Kapiteni i Brighton, Leëis Dunk shënoi me një gol të mençur për të anuluar dyfishin e Mohamed Salah për Liverpoolin. Pulëbardhat kthyen rezultatin për të rrëmbyer një barazim 2-2 në Premier League.
Skuadra vendase kaloi në epërsi në minutën e 20-të kur Simon Adingra zgjodhi hapësiren e ish-mesfushorit të Brighton, Alexis Mac Allister dhe shënoi, por Salah barazoi në minutën e 40-të, duke duke përfunduar me një lëvizjeje të rrjedhshme duke shënuar me këmbën e majtë.
Egjiptiani i dha epërsinë ekipit të tij nga pika e bardhë në momentet e fundit të pjesës së parë, pasi Dominik Szoboszlai u rrëzua nga Pascal Gross dhe Salah goditi në të majtë të portierit Bart Verbruggen.
Zëvendësuesi Ryan Gravenberch, i cili hyri në vend të Harvey Elliott në pjesën e parë, humbi një shans të artë për të ngritur në dy gola epërsinë për Liverpoolin në minutën e 54-të, kur përpjekja e tij nga afërsia nga pasimi i Szoboszlai goditi traversen.
Brighton pati raste tjera në pjesën e dytë. Ishte momenti kur ata pretenduan për një penallti në minutën e 69-të pasi Kaoru Mitoma u fut nga e djathta dhe lëshoi një gjuajtje për të cilën ata pretenduan se goditi krahun e Virgil van Dijk, por arbitri nuk u pajtua.
Brighton arriti një barazim në minutën e 78-të kur Andy Robertson vendosi të mos përpiqej të largonte goditjen e lirë të Solli March, duke lejuar mbrojtësin Dunk të dilte me volley.
Kapiteni i Liverpool, Van Dijk, tha se skuadra e tij ishte e zhgënjyer që nuk mori të tre pikët.
“Ne erdhëm këtu për të fituar. Mendoj se patëm mundësi për ta bërë këtë dhe në fund një barazim, pas një loje të vështirë. Shumë tepër e hapur. Ishte lojë e barabartë, por duke njohur ekipin tonë, ne patëm mundësi për të fituar,” tha ai.
