Drejtori i Agjencisë serbe për Siguri dhe Informacion (BIA) Aleksandar Vulin, ka njoftuar sot se po dorëzon dorëheqje të parevokueshme nga ajo pozitë.
E rreth kësaj ka reaguar kryetari i Lëvizjes Qytetare “Odgovor”, Boban Bogdanoviq, transmeton Telegrafi.
Boban Bogdanoviq shkruan se dorëheqja e Aleksandër Vulinit konfirmon pjesëmarrjen e tij në sulmin terrorist në Banjskë të Zveçanit.
“Unë premtova se do të bëja gjithçka që kam në dorë që Aleksandër Vulin të largohej nga posti i drejtorit të BIA-s. Dorëheqja e sotme konfirmon pjesëmarrjen e tij dhe të Vuçiqit në sulmin terrorist në Banjskë në Republikën e Kosovës”, ka pohuar ai në platformën “X”.
Ndryshe, Vulin njihet si zyrtar i shtetit serb i lidhur me forcat pro-ruse dhe është i sanksionuar nga SHBA-ja.
Vulin dhe Vuçiq u akuzuan se qëndronin mbrapa sulmit terrorist që ndodhi më 25 shtator në veri të Kosovës, kjo sipas avokatit nga Beogradi, Çedomir Stojkoviq, i cili pati thënë se nuk ka asnjë dyshim se këta të dy ishin organizatorët.
https://twitter.com/GenSecRespond/status/1720437485505830984?ref_src=twsrc%5Etfw%7Ctwcamp%5Etweetembed%7Ctwterm%5E1720437485505830984%7Ctwgr%5E91cd6d706ef07c4dff0ace734aa5aaaec910e782%7Ctwcon%5Es1_&ref_url=https%3A%2F%2Ftelegrafi.com%2Fpolitikani-serb-pas-doreheqjes-se-vulinit-u-konfirmua-pjesemarrja-e-tij-ne-sulmin-terrorist-ne-banjske%2F
