Lideri i Partisë Demokratike në Shqipëri, Sali Berisha, ka kritikuar kryeministrin Edi Rama për qasjen e tij në dialogun Kosovë-Serbi.
Ai ka thënë se Rama ka bërë gabim me deklarimet e fundit për Asociacionin e komunave me shumicë serbe.
Sipas Berishës, Rama ishte i pari që i vendosi sanksione Kosovës për ta mbrojtur veten dhe bashkëpunëtorët e tij.
“I pari që vendosi sanksione Kosovës ishte Edi Rama në mënyrën më të turpshme. Tani Edi Rama bënë gjithçka që të krijoj mbështetje nga ata të cilët janë të fasionuar pas Vuqiçit e tjerë, mos të hymë në këtë analizë tash, por ai u bë i pari që vendosi sanksione ndaj Qeverisë së Kosovës. Pse nuk e bëri një qeveri tjetër rajonale përveç Ramës këtë për shembull nuk e bëri Mali i Zi, ose Maqedonia e Veriut, Kroacia e tjera, por pikërisht Edi Rama. Çfarë mund të bëjë një fqinjë më keq se sa kjo që bëri Edi Rama me Kosovën”, është shprehur ai për televizionin publik të Kosovës
Kreu i PD-së e akuzoi kryeministrin shqiptar se po bën pazare me presidentin e Serbisë, Aleksandar Vuçiq.
Ai madje ka thënë se draftin e Ramës, e kundërshtuan edhe Kurti edhe Vuçiq, sapo e panë
“Tani Rama thotë se Kurtit i është dorëzuar drafti im në Bruksel, e tani këto janë trillime të një lideri të 1 prillit”, deklaroi Berisha.
