Ministri i Brendshëm i Kosovës, Xhelal Sveçla, zhvilloi këtë të enjte një inspektim në kufirin verior të liqenit të Ujmanit.
Me motor me katër rrota si dhe i shoqëruar nga Drejtori i Përgjithshëm të Policisë Gazmend Hoxha, së bashku me ministrin Elbert Krasniqi, Sveçla vizitoi kufirin verior të liqenit në kufi me Serbinëm në afërsi të fshatit Bërnjak.
Sveçla tha se në takim u bisedua dhe në lidhje me avancimin e kapaciteteve në pikat kufitare e në menaxhimin sa më efikas të brezit kufitar.
“Bashkë me Ministrin Elbert Krasniqi, Drejtorin e Përgjithshëm të Policisë Gazmend Hoxha dhe Drejtorin e Departamentit të Kufirit Fehmi Xhata, sot kemi vizituar brezin kufitar verior mbi fshatin Bërnjak, që shtrihet përgjatë asetit tonë, Liqenit të Ujmanit.
Policia jonë në nivelin më të lartë të detyrës e me vigjilencë po mbronë kufinjtë tanë dhe po vazhdon të jetë në shërbim të të gjithë qytetarëve tanë. Kjo pavarësisht sulmeve të njëpasnjëshme të grupeve kriminale e terroriste të Serbisë, të cilat janë bërë 115 sosh vetëm në veriun e vendit tonë.
Bashkë me ekipin, zyrtarët policor kufitar e të Njësisë së Ndërhyrjes së Shpejtë të Kufirit biseduam për nevojën e avancimit të kapaciteteve tona në pikat kufitare e në menaxhimin sa më efikas të brezit tonë kufitar.
Mbështetja ime nuk do të mungojë për Policinë e Kosovës për të garantuar siguri e integritet të Republikës sonë”, shkruan Sveçla në facebook.
Kujtojmë se më herët Sveçla njoftoi dhe refuzimin që Serbia i bëri kërkesës së tij për të viztuar Luginën e Preshevës. Ai nënvizoi se dhe Kosova do t’i përgjigjet me reprocitet për raste analoge.
