Kryetari i Komunës së Prishtinës, Perparim Rama, ka bërë të ditur sot se si rezultat i mos përmirësimit të gjendjes së pastërtisë dhe menaxhimit me mbeturinat në kryeqytet ka vendosur që ta shkarkojë drejtorin për Shërbime Publike të Komunës së Prishtinës.
Këtë drejtori e ka udhëhequr Lirik Musliu nga Partia Demokratike e Kosovës me të cilën LDK është në bashkëqeverisje në kryeqytet.
“Si Kryetar i Kryeqytetit, tash e një vit kam kërkuar në vazhdimësi nga drejtoria përkatëse zgjidhje të kësaj situate alarmante dhe të papranueshme. Por, përkundër të gjitha këtyre kërkesave, gjendja jo që nuk është përmirësuar, por përkundrazi është përkeqësuar.Andaj, sot, kam marrë VENDIM për të liruar nga detyra Drejtorin e Shërbimeve Publike”, ka shkruar Rama./Express/
