Eksperti i sigurisë, Burim Ramadani, tha se në takimin e kryeministrit Kurti me ambasadorët e QUINT-it, në të cilin është diskutuar hapja e urës së Ibrit për vetura, ka refuzuar të marrë pjesë Komandanti i KFOR-t.
Sipas Ramadanit, Komandanti i KFOR-it ka thënë se është ushtarak dhe nuk merr pjesë në takime politike.
“Ka një mungesë në atë takim, aty mungon Komandanti i KFOR-it i cili është autoriteti i cili ka me marrë vendim për hapjen e plotë, po ju them profesionalisht që Komandanti i KFOR-it është dashur të jetë i ulur aty. Sipas asaj që unë kam kuptu komandanti i KFOR-it ka refuzu të vijë në këtë takim, dhe ka thënë që unë jam ushtarak dhe takime politike s’kam nevojë të marrë pjesë”, tha Ramadani në Pressing, transmeton Express.
“Kur ka qartësim nga komanda në Napoli të cilëve ju raporton komandanti i KFOR-it që vendimet që ata i quajnë të njëanshme të mos lejohen të ndodhin, që i bie sepse vendimet për hapjen e plotë të urës në Ibër e merr Komandanti i KFOR-it madje edhe selia e NATO-s”, tha Ramadani
ZKM ka njoftuar gjatë ditës se kryeministri Kurti bashkë me zv/kryeministrin Bislimi dhe ministrin Sveçla janë takuar me ambasadorët Jeffrey Hovenier, Jonathan Hargreaves, Jorn Rohde, Olivier Guerot, Antonello De Riu dhe Shefin e Zyrës së Bashkimit Evropian në Kosovë, Tomas Szunyog.
Ata kanë diskutuar për “rëndësinë e bashkërendimit të veprimeve institucionale për hapjen e urës mbi Ibër edhe për vetura”.
