Malisheva ka shënuar fitore me rezultat minimal 1-0 në shtëpi ndaj Prishtinës në kuadër të javës së 27-të në elitën e futbollit kosovar.
Ndeshja nisi furishëm për vendasit të cilët arritën ta gjejnë golin e fitores qysh në minutat e para të kësaj ndeshje.
Po luhej vetëm minuta e dytë kur Laurent Xhylani pas një harkimi nga rivënia këndore gjeti për mrekulli Donart Vitijën i cili realizoi për rezultatin 1-0.
Në vazhdim të këtij takimi pati disa gjysmë raste për të dyja skuadrat, por që rrjetat nuk u prekën më.
Për Malishevën kjo ishte fitorja e parë pas dy ndeshjesh pa rezultat pozitiv, teksa Prishtina pas fitores xhiron e kaluar ndaj Feronikelit ‘74 rikthehtet sërish tek humbjet.
Pas javës së 27-të, Malisheva shkon në kuotën e 44 pikëve dhe mban pozitën e tretë në tabelë, teksa Prishtina renditet e katërta me 35 sosh
