Dokumentari i shkurtër “Si e verdhë e sëmurë” nga regjisorja Norika Sefa ka arritur një tjetër fitore të rëndësishme duke fituar çmimin për dokumentarin më të mirë të shkurtër në Festivalin e Filmit të Sarajevës. Filmi, i cili ka mbledhur një sërë çmimesh në festivale të ndryshme, vazhdon të impresionojë publikun dhe juritë anembanë botës.
Në festivalin e rëndësishëm të Sarajevës, juria e përbërë nga Mandy Chang, Marek Hovorka dhe ëang Xiaoshuai, ndau vetëm katër çmime nga gjithsej 21 filma në kategorinë e dokumentarëve. “Si e verdhë e sëmurë” shquhet mes këtyre filmave për qasjen e saj unike dhe artistike.
Filmi është një zhytje e thellë në kujtesën e Norës, ku realitetet shkrihen dhe vijat mes të keqes dhe të bukurës ndërthuren për të formuar diçka të re dhe të papritur. “Si e verdhë e sëmurë” është një pasqyrë e fuqishme dhe e ndjeshme, që eksploron përvojat dhe ndjenjat në një mënyrë vizualisht tërheqëse dhe mendjemprehtë.
Me një kohëzgjatje prej 23 minutash, ky dokumentar është realizuar me mbështetjen e Qendrës Kinematografike të Kosovës (QKK) dhe prodhuar nga shtëpia filmike CMB.
Producent i këtij filmi është Mentor Shala, ndërsa bashkëproducentët janë Besnik Krapi dhe vetë regjisoria Norika Sefa. Për shpërndarjen ndërkombëtare të filmit është kujdesur kompania Square Eyes.
