Presidentja Osmani ka shkruar në facebook për të kujtuar datën historike të Miratimit të Kushtetutës së Kaçanikut ku ajo rikujton se kjo Kushtetutë i hodhi themelet juridike të Republikës së Kosovës dhe hapi rrugën drejt pavarësisë më 2008.
Në vazhdim Presidentja Osmani rikujtoi se dita kur është miratuar Kushtetuta e Kaçanikut, është moment historik në udhëtimin e Kosovës drejt lirisë. Ky akt historik simbolizon guximin, unitetin dhe vendosmërinë e popullit të Kosovës në luftën e pandërprerë për liri e pavarësi.
Përveç vlerave të Kushtetutës, Presidentja Osmani i ka nderuar edhe vizionarët, ligjvënësit dhe patriotët që rrezikuan gjithçka për të ardhmen e Kosovës.
Miratimi i Kushtetutës së Kaçanikut hodhi themelet juridike të Republikës së Kosovës dhe hapi rrugën drejt pavarësisë më 2008. Guximi i atyre që miratuan këtë kushtetutë do të mbahet mend përgjithmonë si një kapitull kyç në rrugën e gjatë dhe të vështirë të popullit të Kosovës drejt lirisë dhe pavarësisë.
