Duket se Gisele Bündchen ka gjetur “njeriun e duhur” në partnerin e saj të ri, Joaquim Valente, një instruktor Jiu Jitsu.
Sipas burimeve, supermodelja e njohur ka një lidhje të thellë me Valente-n dhe ndihet më e vlerësuar dhe e “përfillur” në këtë marrëdhënie, diçka që, sipas një burimi të afërt, nuk e ka ndjerë gjatë martesës së saj me Tom Brady.
Një burim i Life & Style raportoi se Gisele, e cila është shtatzënë dhe pritet të sjellë në jetë fëmijën e saj të tretë, e ka ndjerë një lidhje të veçantë dhe “organike” me Valente, që nga fillimi i marrëdhënies së tyre.
“Gjithçka ka qenë e lehtë dhe natyrale,” ka thënë ky burim.
Burimi shtoi se Gisele nuk mendonte se do të ndiente diçka të tillë pas divorcit të saj të “helmatisur” me Tom Brady, por kjo ka ndodhur befas shpejt. “Ishte një surprizë për të,” tha ai, duke theksuar se Gisele tani “ndjehet e parë dhe e vlerësuar” me Joaquim, gjë që nuk ishte rasti gjatë martesës së saj me Brady, me të cilin qëndroi për gati 13 vjet përpara se të ndaheshin në vitin 2022.
Gjithashtu, burimi tha se Gisele tashmë po planifikon të martohet me Joaquim Valente-n, të cilin e quan “shpirtin e saj binjak”, ndërsa miqtë e saj thonë se ajo tashmë e ka quajtur atë të tillë.
Kjo është një fazë e re për Gisele-n, e cila duket se ka gjetur një dashuri të re dhe ka nisur një kapitull të ri të jetës së saj personale.
