Lumir Abdixhiku, kryetar i Lidhjes Demokratike të Kosovës, ka deklaruar në Gjakovë se qytetarët e kanë LDK-në të cilën e kanë kërkuar tash e sa kohë, dhe se, ai është shprehur i bindur që kjo parti është ajo që do të sjellë ndryshimin në Kosovë, shkruan Gazeta Express.
I pari i LDK-së ka folur edhe për listën e kësaj partie për deputetë, për të cilët ka thënë se janë një ekip i shkëlqyeshëm.
‘‘Këtë LDK, këtë LDK që e kërkojnë qytetarët tanë, tash e sa kohë tashmë e kanë. Këtë LDK që kërkon që përbashkon, që ngritët mbi çdo sfidë, tashmë qytetarët e Kosovës e kanë. Rreth vetes e kam një ekip të shkëlqyeshme. Këta burra e gra i keni parë sot në listën e 110 kandidatëve të Lidhjes Demokratike të Kosovës, listën fituese e përbërjen e Qeverisë së ardhshme, Republikës Rugoviste të Kosovës. Ne jemi ndryshimi për Kosovën’’, ka thënë ai mes tjerash nga Gjakova.
