Opinionisti politik Avni Arifi ka kritikuar Qeverinë Kurti për menaxhimin e energjisë elektrike.
Në Rubikon të Klan Kosovës, ai ka deklaruar se me Lëvizjen Vetëvendosje në pushtet i gjithë projekti i energjetikës në vend është kthyer në zero.
“Nuk i kanë dhënë prioritet përveç që është refuzuar ‘Contour Global’ sepse kanë thënë se nuk është kontrata më e mirë, ata e kanë refuzuar edhe gazin amerikan që do të na jepte edhe 450 megavat, dhe me 950 megavat ne do të kishim mundësi edhe të eksportojmë energji elektrike. Komplet projekti i energjetikës në Kosovë me Qeverinë Kurtin është kthyer në zero”, ka thënë Arifi.
“Para 10-vjetëve kemi pasë stabilitet, kjo ka qenë sepse në vit kemi importuar prej 30-ve deri në 50 milionë euro deri në vitin 2020. Askush nuk po i përcjell trendit energjetike, energjia sot ka të bëjë me sovranitetin”, ka pohuar Arifi.
