Policia në Gjilan gjobit një shofer, vetura inteligjente e kapi duke vozitur 175km/h në zonën ku kufizimi i shpejtësisë ishte 60km/h

Policia në Gjilan ka njoftuar se ka shqiptuar një gjobë në vlerë prej 500 euro, pesë pikë negative dhe ndalim vozitje 6 muajsh pasi një shofer ka vozitur 175 km/h në zonën ku kufizimi i shpejtësisë është 60 km/h.

“Njësiti Rajonal i Komunikacionit Rrugor nga Drejtoria Rajonale e Policisë në Gjilan ka shqiptuar një gjobë në vlerë prej pesëqind (500) euro, pesë (5) pikë negative dhe masën e përkohshme të ndalim drejtimit të mjeteve motorike në afat prej gjashtë (6) muaj ndaj kundërvajtësit i cili përmes veturës me pajisje inteligjente është regjistruar duke vozitur me shpejtësinë 175 km/h në zonën ku kufizimi i shpejtësisë me shenjë të trafikut është 60 km/h.”