Osmani në Sofje në Procesin e Aqaba, pjesëmarrës edhe Vuçiq

Presidentja Vjosa Osmani po qëndron në Sofje të Bullgarisë ku po mbahet Procesi i Aqaba nikoqirë të të cilit janë Presidenti bullgar Rumen Radev dhe Mbreti Abdullah i Jordanisë.

Presidenti i Serbisë Aleksandar Vuçiq  ka thënë se Osmani do t’i ngris “disa çështje atje”.

“Unë e di që Osmani do të ngrejë disa çështje sepse këtu nuk ka flamuj apo simbole, madje edhe kravatat janë të ndaluara si pjesë e imazhit të samitit në Akaba, dhe jam i sigurt për çështjet që ajo do të ngrejë. Por ne kemi gjithashtu një delegacion të mirë dhe do t’i shtrojmë çështjet tona. Gjëja më e rëndësishme është të ruajmë paqen dhe stabilitetin dhe të shohim se si mund të ecim përpara” ka thënë Vuçiq