Fituesi i Big Brother VIP Albania 4, Besart Kelmendi, i njohur me emrin e artit si Gjesti, ishte I ftuar në “Portokalli”.
Aty u përball me një pyetje provokuese nga aktori Visjan Ukcenaj. Ky moment ka shkaktuar një reagim të shpejtë dhe shumë të ngrohtë nga ana e Gjestit.
Pas fitores së tij dhe çmimit prej 100 mijë eurosh në natën finale të Big Brother VIP Albania 4, Gjesti u përball me një pyetje humoristike nga Ukcenaj, i cili në rolin e “Minionit” e pyeti: “Bëre gjë me Eglin tani që dole?”.
Reagimi i Gjestit: “U kry!” – një përgjigje e shkurtë, që shkaktoi të qeshura të mëdha në sallë dhe përforcoi thashethemet mbi afrimin e tij me Eglin, duke bërë që momenti të bëjë xhiron e rrjetit.
Ky moment shënoi një hap të ri në jetën e Gjestit pas përfundimit të spektaklit. Gjatë qëndrimit në shtëpinë e Big Brother VIP Albania, Gjesti dhe Egli kishin krijuar një lidhje të veçantë, jo vetëm përmes diskutimeve të thella, por edhe për mbështetje që ofronin njëri-tjetrit në momentet e vështira.
Ky afrimitet ka nxitur spekulime për një marrëdhënie më të ngushtë mes tyre, e cila ka ngjallur interesim të madh tek fansat.
Gjesti nuk dha shumë informacione duke lënë të kuptohet se janë ende në fazën e njohjes dhe se nuk dëshiron të nxitohen për të vendosur etiketa.
