Më 2 dhe 3 qershor 2025, Prishtina do të jetë nikoqire e edicionit të tretë të Forumit Ndërkombëtar për Gratë, Paqen dhe Sigurinë, një ngjarje që tashmë është shndërruar në platformë të rëndësishme globale për diskutime mbi barazinë gjinore, sigurinë dhe ndërtimin e paqes.
Nën moton “Kodi i Sigurisë për Brezin Tonë”, forumi synon të mbledhë së bashku përfaqësues të lartë politikë, aktivistë, akademikë dhe liderë të shoqërisë civile nga mbi 45 shtete, të cilët do të ndajnë ide, përvoja dhe praktika të mira për ndërtimin e një bote më të sigurt, të drejtë dhe gjithëpërfshirëse për gjeneratat e ardhshme.
Ky forum ndërkombëtar jo vetëm që shërben si hapësirë për shkëmbimin e mendimeve dhe përforcimin e rrjeteve të bashkëpunimit, por edhe si një thirrje për veprim konkret në drejtim të fuqizimit të grave në proceset e paqes dhe sigurisë.
