“Pastrimi” gjen te kontejnerët dallamë e jelek tradicional nusesh

87

Kompania “Pastrimi” ka publikuar një fotografi në “Facebook” të disa veshjeve tradicionale që i kanë gjetur te kontejnerët.

Ata kanë thënë se ato ishin ruajtur me kujdes.

“Në mesin e mbeturinave, u gjetën një dallamë dhe një jelek tradicional – të pastra, të ruajtura me kujdes, si të mos kishin dalë kurrë nga sirtari. Përkrah tyre, një palë rroba burri, të palosura me përpikmëri. Rroba të papërdorura, pa njolla kohe, të trajtuara me respekt. Ndoshta ishin pjesë e pajës, ndoshta dhuratë nga një dasmë, apo tjetër.”