74 
Kuvendi i Kosovës do të mblidhet sot në orën 11:00 për të vazhduar seancën konstituive, mes mungesës së marrëveshjes politike për zgjedhjen e kryetarit të ri.
Seanca vjen pas dështimit dramatik të së mërkurës, kur Lëvizja Vetëvendosje propozoi dy kandidate – Albulena Haxhiun dhe Donika Gërvallën – por asnjëra prej tyre nuk arriti të marrë shumicën e nevojshme të votave.
Në të dy rastet, rezultati ishte i njëjtë: 57 vota për, 56 kundër dhe 3 abstenime, duke treguar përçarje të thellë mes partive politike dhe mungesë konsensusi për postin e kryeparlamentarit.
Ngërçi ka zvarritur konstituimin e plotë të institucioneve pas zgjedhjeve, duke futur vendin në një krizë të re institucionale.
