128 
Një operacion i gjerë bastisjeje është zhvilluar sot në Qendrën Korrektuese të Dubravës, me qëllim parandalimin e veprimtarive të paligjshme dhe forcimin e sigurisë brenda institucionit.
Sipas njoftimit të Shërbimit Korrektues të Kosovës (ShKK), gjatë aksionit janë kontrolluar të gjitha hapësirat e brendshme dhe të jashtme të institucionit, përfshirë dhomat e të burgosurve, kuzhinën, lavanderinë, sallën e sportit dhe ambientet tjera përcjellëse.
Operacioni përfundoi pa asnjë rezultat të kundërligjshëm – nuk u gjet asnjë mjet apo send i ndaluar.
Në këtë aksion morën pjesë edhe zyrtarë korrektues nga institucione të tjera, si dhe njësiti special me qen nuhatës, K9.
