35 
Ish-nënkryetari i Organizatës së Veteranëve të Luftës të UÇK-së, Nasim Haradinaj, ka bërë të ditur se ka vizituar ish-krerët e Ushtrisë Çlirimtare të Kosovës në Hagë.
Në një intervistë për emisionin Ora 7, Haradinaj tha se gjendja shëndetësore e tyre është e mirë dhe se ata mbajnë moral të lartë.
“Unë sot jam shumë i relaksuar, sepse po kthehem nga shokët e mi në vizitë. I kam parë shumë mirë. Janë të fortë dhe mirë me shëndet,” u shpreh Haradinaj, duke shtuar se ata i kanë dhënë forcë edhe vetë atij gjatë takimit.
“Çka është më kryesorja – janë optimistë dhe të fortë,” theksoi ai.
