Presidentja e Kosovës, Vjosa Osmani, ka njoftuar se ka zhvilluar një bisedë me Dame Karen Pierce, të dërguarën speciale të Mbretërisë së Bashkuar për Ballkanin Perëndimor.
Osmani përmes një shkrimi në X njoftoi se në këtë bisedë telefonike është diskutuar për zgjedhjet lokale të fundit në Kosovë, të cilat, sipas saj, dëshmuan profesionalizmin e institucioneve dhe përkushtimin e qytetarëve ndaj demokracisë.
Presidentja ngriti edhe shqetësime serioze për ndërhyrjet e paligjshme të Serbisë në procesin zgjedhor, duke theksuar se veprime të tilla godasin në zemër të demokracisë.
“Një sjellje e tillë destabilizuese duhet të përballet me një reagim të qartë dhe të bashkuar nga të gjithë partnerët tanë ndërkombëtarë”, deklaroi Osmani.
Në bisedë u trajtuan gjithashtu hapat e ardhshëm drejt formimit të Qeverisë dhe thellimit të agjendës strategjike dypalëshe mes Kosovës dhe Mbretërisë së Bashkuar.
Yesterday, I spoke with Dame @KarenPierceUK, the UK’s Special Envoy to the Western Balkans.
— Vjosa Osmani (@VjosaOsmaniPRKS) October 14, 2025
We discussed Kosovo’s recent local elections – an important democratic exercise that once again demonstrated our institutions’ professionalism and citizens’ commitment to democracy.
I… pic.twitter.com/AOirfEIUCS
