Në komunën e Istogut ka përfunduar procesi i numërimit të votave për zgjedhjet lokale të mbajtura më 12 tetor.
Sipas rezultateve preliminare, fitues i këtyre zgjedhjeve ka dalë kandidati i Lidhjes Demokratike të Kosovës (LDK), Ilir Ferati.
Ferati ka siguruar edhe një mandat tjetër për të udhëhequr komunën, duke marrë 50.13 për qind të votave, respektivisht 8,847 vota.
Ndërsa në listën për Kuvendin Komunal të LDK-së, pas Feratit – i cili ka qenë bartës i listës – më së shumti vota kanë marrë: Naim Behlulaj me 962 vota, Abedin Kabashi me 813 vota, Agon Dreshaj me 584 vota, Zenel Shatri me 509 vota.
