Analisti i emisionit sportiv “Favorit” në T7, Taulant Dajaku ka dalur kundër reagimit të Federatës së Futbollit të Kosovës për “mbrojtjen e integritetit të garës”.
Ai tha se ky reagim ishte skandaloz, dhe tha se një i tillë mund të bëhet edhe lajm në Evropë, por që nuk ishte i nevojshëm.
Reagimi i FFK-së erdhi pas një përplasje publike mes vëllezërve të presidentëve të klubeve të Ballkanit e Llapit.
Bali Kabashi, vëllai i Arsim Kabashit tha gjatë ditës se “dihet fituesi” i ndeshjes Drita – Llapi, para se të nisë ndeshja. Amrush Batatina, vëllai i Tahir Batatinës ia ktheu duke thënë se “dihet se a të kujtohet kur i shitshe lojët”.
Llapi, megjitatë, u mposht 3-0 nga Drita sot në Gjilan, duke mbetur në pozitën e nëntë në tabelë, me 33 pikë, pesë më pak se Drenica që është në zonën e sigurisë.
