Khvica Kvaratskhelia është shpallur “lojtari më i mirë në botë” nga legjenda e futbollit Clarence Seedorf, pas një paraqitjeje të shkëlqyer në Ligën e Kampionëve.
Përfaqësuesi gjeorgjian ishte i pandalshëm të martën në mbrëmje, kur kampionët e Francës mposhtën ngushtë Bayern Munich në një ndeshje emocionuese me nëntë gola në Parc des Princes, shkruan Goal.com, sipas Index.hr.
Duke folur për Amazon Prime, Seedorf nuk e fshehu admirimin e tij pasi pa performancën e Kvaratskhelias, raporton KlanKosova.tv.
“Kvaratskhelia është lojtari më i mirë në botë dhe do të bëhet edhe më i mirë. Nuk e di nëse ai do të qëndrojë në të majtë sepse ai thjesht di çfarë të bëjë në çdo situatë. Në momente të caktuara ai e mban ekipin në dorë dhe kjo është arsyeja pse më pëlqen inteligjenca e tij. Ai është një lojtar shtesë në mesfushë dhe në të njëjtën kohë bën diferencën në sulm. Ai është i pabesueshëm.
