Kryetari i Aleancës për Ardhmërinë e Kosovës (AAK), Ramush Haradinaj, ka vlerësuar lart punën e zjarrfikësve, duke i cilësuar ata si krenari e shtetit.
Në një mesazh me rastin e 4 majit – Ditës Ndërkombëtare të Zjarrfikësve, Haradinaj ka theksuar se, pavarësisht kushteve të vështira dhe mungesës së mbështetjes së duhur nga qeverisjet e fundit, zjarrfikësit nuk janë ndalur asnjëherë në misionin e tyre.
“Në kushte të vështira, të lënë anash dhe pa mbështetjen e duhur nga qeverisja e fundit, ata nuk u ndalën asnjëherë. Me përkushtim dhe guxim, çdo ditë janë në vijën e parë në shërbim të qytetarëve”.
Në fund, Haradinaj ka shprehur mirënjohje të thellë për secilin zjarrfikës për punën dhe sakrificën e tyre të vazhdueshme.
“Sot, më shumë se kurrë, meritojnë respektin, vlerësimin dhe përkrahjen për shërbimin ndaj vendit. Mirënjohje e thellë për secilin prej tyre. 4 maj – Dita Ndërkombëtare e Zjarrfikësve”, ka shkruar Haradinaj.
