Përdorimi i raketës “Oreshnik” nga Rusia ka tërhequr vëmendjen ndërkombëtare. Sipas Moskës, raketa me rreze të mesme veprimi është e aftë të godasë objektiva në pjesë të mëdha të Evropës.
Të dielën, presidenti ukrainas, Volodymyr Zelenskyy tha se Rusia kishte vendosur përsëri raketën e saj balistike me rreze të mesme veprimi “Oreshnik”, këtë herë në rajonin e Kievit, shkruan Euronews,
Ministria ruse e Mbrojtjes më vonë konfirmoi lëshimin, duke thënë se ai erdhi si pjesë e një sulmi hakmarrës pas sulmeve ukrainase kundër “objektivave civilë”, të cilat Kievi i ka mohuar.
Përdorimi i raketës “Oreshnik” nga Moska ka shkaktuar reagime të forta jashtë vendit.
Kancelari gjerman Friedrich Merz e dënoi sulmin si një “përshkallëzim të pamatur” në një postim në X dhe riafirmoi mbështetjen e Gjermanisë për Ukrainën.
Presidenti francez Emmanuel Macron dënoi gjithashtu sulmet e fundit ruse, duke thënë se objektivat civile në Ukrainë ishin sulmuar përsëri. Ai e përshkroi përdorimin e raportuar të raketës “Oreshnik” me aftësi bërthamore si një shenjë si të bllokimit në përpjekjet luftarake të Rusisë ashtu edhe të një përshkallëzimi të rrezikshëm të konfliktit
Presidentja e Komisionit Evropian, Ursula von der Leyen, tha se sulmi masiv rus demonstroi “brutalitetin dhe shpërfilljen e Kremlinit si për jetën njerëzore ashtu edhe për negociatat e paqes”.
Shefja e politikës së jashtme të BE-së, Kaja Kallas, i përshkroi sulmet si “akte të neveritshme terrori” kundër popullsisë civile ukrainase. Ajo tha se Rusia kishte arritur në një rrugë pa krye ushtarake dhe për këtë arsye po synonte qëllimisht qendrat e qyteteve
