Policia turke kundër trazirave hyri me forcë në selinë e partisë kryesore opozitare të vendit të dielën, disa ditë pasi një gjykatë shkarkoi udhëheqjen e saj.
Re gazi lotsjellës u përhapën jashtë ndërtesës së Partisë Republikane Popullore (CHP) në Ankara, ku anëtarët e partisë kishin bllokuar hyrjet me një barrikadë të improvizuar, ka raportuar BBC,
Pamjet nga vendi i ngjarjes tregonin ata që ishin brenda duke bërtitur dhe duke hedhur objekte drejt hyrjes, dhe policinë duke u spërkatur me tuba uji.
Kreu i partisë Özgür Özel ishte zotuar të sfidonte një vendim të gjykatës së apelit të enjten, i cili e shpalli zgjedhjen e tij të pavlefshme, në një veprim që përforconte më tej kontrollin e pushtetit të Presidentit Rexhep Tajip Erdogan.
Gjykata vendosi që Özel duhet të zëvendësohet nga Kemal Kilicdaroğlu, një veteran 77-vjeçar i partisë i cili u mund nga Erdogan në zgjedhjet presidenciale të vitit 2023.
Media turke raportoi se përfaqësuesit e Kilicdaroğlu kishin kërkuar që policia të kryente “procedurat e nevojshme” për t’ia dorëzuar selinë udhëheqjes së re, duke pretenduar se deri më tani u ishte ndaluar hyrja.
Guvernatori i qytetit më pas udhëzoi policinë që të “zbatonte vendimin e gjykatës”, sipas një deklarate nga zyra e tij.
