Presidenti amerikan Donald Trump tha të mërkurën se SHBA-ja do të “bombardojë dhe shkatërrojë NJË URË OSE NJË TERMOCENTRAL” sa herë që Irani të shënjestrojë një anije që kalon nëpër Ngushticën e Hormuzit.
“Nga ky moment e tutje, sa herë që Republika Islamike e Iranit qëllon ndaj një anijeje në Ngushticën e Hormuzit, qoftë me raketë, predhë, dron apo me çfarëdo mjeti ose arme tjetër, Shtetet e Bashkuara do të bombardojnë dhe shkatërrojnë NJË URË OSE NJË TERMOCENTRAL, përfshirë edhe ato që ndodhen pranë ose brenda kryeqytetit, Teheranit”, shkroi Trump në rrjetin social Truth Social.
Trump edhe më parë ka kërcënuar se do të godasë infrastrukturën civile të Iranit – veprim që mund të konsiderohet krim lufte – përfshirë edhe në një intervistë për Fox News javën e kaluar, kur tha se SHBA-ja do t’i “shkatërrojë të gjitha urat (e Iranit), nëse nuk ulen në tryezë dhe nuk negociojnë”, shkruan CNN
